सीमामा खटिएका १८ सशस्त्र प्रहरीमा कोरोना

    काँकडभिट्टा — मुलुकको पूर्वी सीमा नाकामा खटिएका १८ जना सशस्त्र प्रहरीलार्ई कोरोना पुष्टि भएको छ । मंगलबार दुई जवानमा कोरोना देखिएको थियो । 


    जिल्ला स्वास्थ्य कार्यालय झापाका फोकल पर्सन जीवन चम्लागाईका अनुसार सबै सीमा सुरक्षा बल काँकडभिट्टामा कार्यरत हुन् । उनीहरु विगत ४ महिनादेखि सीमामा तैनाथ थिए ।

    फोकल पर्सन चम्लागाईंले संक्रमित सबैलाई उपचारका लागि मोरङको गोठगाउँस्थित कोभिड अस्पताल लागिएको जानकारी दिए ।

    झापामा शुक्रबार थप २५ जनामा कोरोना संक्रमण पुष्टि भएको छ । झापामा कोरोना संक्रमितको संख्या ३४५ पुगेको छ । २९८ उपचारपछि घर फर्किएका छन् ।


    प्रकाशित : श्रावण ९, २०७७ १८:१९